მეცხრე დღის რეფლექსია

დღეს ტრენინგის ბოლო სამუშაო დღე იყო. დავასრულეთ პროექტზე მუშაობა და ნამუშევარი განვათავსეთ  ბლოგზე.ტრენინგს შევაფასებდი დადებითად, შევიძინე საჭირო ცოდნა და უნარები სასწავლო პროექტის დამოუკიდებლად დაგეგმვისა და სწავლების პროცესში წარმატებით ინტეგრირებისთვის.

მერვე დღის რეფლექსია

დავამთავრეთ მუშაობა პროექტის გეგმაზე.საბოლოოდ გამოვიტანე შემდეგი დასკვნები:
პროექტის განხორციელება საკმაოდ ხანგძლივი და შრომატევადი პროცესია, საჭიროებს მრავალი ფაქტორის გათვალისწინებას , მრავალმხვრივ და მრავალჯერად გადახედვას და გადამუშავებას.ამასთანავე პროექტის სწორად დაგეგმვა მისი წარმატებებულად შესრულების წინაპირობაა, ამიტომ დიდ პასუხილმგებლობას და დაკვირვებას საჭიროებს.

მეშვიდე დღის რეფლექსია

ტრენინგის მეშვიდე დღეს ასევე გულმოდგინე მუშაობაში გავატარეთ, დავასრულეთ პრეზენტაციების მომზადება და განვაგრძეთ პროექტის გეგმაზე მუშაობა.  ტრენერი გაუგებარს არ ტოვებს არც ერთ საკითხს, ასე რომ გაუგებარი  და ბუნდოვანი არაფერი დარჩენილა ჩემთვის. 

მეექვსე დღის რეფლექსია

დღეს ვიმუშავეთ პროექტის პრეზენტაციის ნიმუშის შექმნაზე. პრეზენტაციის შექმნაზე აქამდეც მიმუშავია ამიტომ რაიმე სირთულე ამ მხვრივ არ შემქმნია. 

მეხუთე დღის რეფლექსია

ტრენინგის მეხუთე დღეს ვიმუშავეთ პროექტის შეფასებაზე. განვიხილეთ პროექტის შეფასების ხერხები დაწყებამდე, პროექტზე მუშაობის დროს და პროექტის დასრულების შემდეგ.  ტრენერის დახმარებით და ურთიერთთანამშრომლობით შევარჩიეთ შეფასების ხერხები ჩვენი პროექტებისთვის.  არც ერთი საკითხი არ დარჩნილა ჩემთვის ბუნდოვანი, თუმცა ვთვლი, რომ შეფასების გეგმებზე უნდა გავაგრძელო მუშაობა და უფრო აქტიურად დავნერგო ჩემს პრაქტიკაში.

მეოთხე დღის რეფლექსია

დღევანდელ ტრენინგზე გავაგრძელეთ პროექტის გეგმაზე მუშაობა. დავაზუსტეთ კვლევის შინაარსი და პრობლემა.ჩამოვაყალიბეთ მიმართულების მიმცემი საკვანძო კითხვები. ეს საკითხები ყველაზე რთული აღმოჩნდა ჩემთვის, მაგრამ ტრენერის დახმარებით გავერკვიე ყველაფერში.

მესამე დღის რეფლექსია

 
დღევანდელი დღის ტრენინგი დაეთმო პროექტის გეგმაზე მუშაობას. შევარჩიე ჩემი პროექტის თემა და  განვსაზღვრე პროექტის მიზნები და ინდიკატორები. გავეცანი პროექტის სწორად დაგეგმისთვის საჭირო საკითხებს.  საკმაოდ შრომატევადი დღე იყო.

პირველი მოდულის რეფლექსია

 ტრენინგის  პირველი დღის დასაწყისში ტრენერი, გიორგი ხომასურიძე  გაგვეცნო და ტრენინგის მონაწილეებმაც გავაცანით ერთმანეთს თავი.

შემდეგ ტრენერმა გაგვაცნო ტრენინგის შინაარსი და დანიშნულება, გაგვაცნო ტრენინგზე დასწრების პირობები და შინაგანაწესი.

ამის შემდეგ დავათვალიერეთ ელექტრონული სახელმძღვანელო Intel Education Viewer და შევქმენით საქაღალდეები, რომლებიც განვათავსეთ D დისკზე.

 ტრენინგის მეორე დღეს ტრენერმა გაგვაცნო  კომპიუტერული პროგრამა  Microsoft Publisher და დავიწყეთ ბროშურის შექმნა მშობლებისთვის, სადაც უნდა დაგვესაბუთებინა თუ რატომ იყო მნიშვნელოვანი პროექტებით სწავლება.ასევე გავეცანით ბუკლეტების შეფასების რუბრიკას.

 ინტელის ტრენინგს დიდი ინტერესით ველოდებოდი და შეიძლება ითქვას რომ ჩემი მოლოდინი სრულიად გამართლდა. ჩვენი ტრენერი, ბატონი გიორგი ხომასურიძე, ძალიან საინტერესოდ და გასაგებათ  გვიხსნის მასალას, გაურკვეველს არ ტოვებს არც ერთ საკითხს და დაუღალავად მუშაობს მთელს აუდიტორიასთან და ინდივიდუალურად ტრენინგის თითოეულ მონაწილესთან.

 ამ ორი დღის მაძილზე ბევრ სასარგებლო რესურს და მასალას გავეცანი, რომელიც სასწავლო პროექტების წარმართვაში დამეხმარება. იმედი მაქვს შემდგომი მოდულებით ასევე საინტერესო და  ახალი ცოდნის და უნარების მომცემი იქნება ჩემთვის.